Таҷлили Рӯзи Рӯдакӣ

Душанбе, 24 сентябр. (АМИТ «Ховар»). — Имрӯз дар мактаби таҳсилоти миёнаи умумии рақами 12-и шаҳри Душанбе бахшида ба Рӯзи Рӯдакӣ, ки ҳамасола дар Тоҷикистон 22 сентябр ҷашн гирифта мешавад, конфронси илмӣ-адабӣ баргузор гардид. Дар конфронс муаллимони фанни забону адабиёти тоҷик ва хонандагони лаёқатманди мактаб иштирок намуда, роҷеъ ба ҳаёт ва ашъори шоир суханронӣ карданд. Зикр гардид, ки ин гуна чорабиниҳо барои бедор намудани завқи хонандагон ва аз наздик шинос шудани онҳо ба ҳаёту фаъолияти бузургони гузаштаамон манфиатбахш аст.