Таҷлили Рӯзи забон дар Театри опера ва балет

Душанбе, 28 сентябр. (АМИТ «Ховар», Мавҷуда Анварӣ). — 5 октябри соли равон дар кишвар Рӯзи забони давлатии Ҷумҳурии Тоҷикистон ботантана таҷлил карда мешавад. Бахшида ба ин санаи таърихӣ дар толори Театри давлатии академии опера ва балети ба номи С. Айнӣ омодагиҳо барои таҷлили Рӯзи забон идома доранд.Дар ин бора сармутахассиси Вазорати фарҳанги кишвар Раҳматулло Раҳматуллоев ба хабарнигори АМИТ «Ховар» иттилоъ дод.Тибқи иттилои манбаъ, бахшида ба ин рӯз барномаи фарҳангии ҷашни Рӯзи забон бо лаҳзаи театрӣ бо иштироки ҳунармандон- Фирӯз Умаров ва Ортиқ Қодиров оғоз ёфта, дар барномаи консертии он ансамбли «Шашмақомхонон»-и Кумитаи телевизион ва радиои назди Ҳукумати Ҷумҳурии Тоҷикистон, гурӯҳи рақсии Филармонияи давлатии Тоҷикистон ба номи Акашариф Ҷӯраев, ансамбли рақсии «Гулрез», ҳунармандони шинохта Саидқул Билолов, Давлатманд Холов, Нигина Амонқулова, Хуршед Иброҳимов, Озода Ашӯрова, ҳунармандони гурӯҳи балети театр ва ҳамсароёни Театри давлатии академии опера ва балети ба номи С. Айнӣ ҳунарнамоӣ хоҳанд кард.Таҳиягарони барномаи фарҳангӣ коргардонҳо Давлат Убайдуллоев ва Ориф Набиев мебошанд.