Таҷлили солгарди Истиқлолияти Тоҷикистон дар Анқара
Анқара, 17 сентябр.(АМИТ «Ховар», Фарангис Раҳимова).- Чанде пеш дар шаҳри Анқараи Туркия ба ифтихори 21-умин солгарди Истиқлолияти Ҷумҳурии Тоҷикистон маҷлиси ботантана баргузор гардид, ки дар он вазири саноат ва илму технологиҳои Туркия Ниҳод Эргюн, раиси ҳизби «Саодат»- Туркия Мустафо Камолак, муовини вазири корҳои дохилии Туркия Усмон Гюнеш, раиси гурӯҳи дӯстии Туркияю Тоҷикистон Мустафо Қабақчӣ, намояндагони корпуси дипломатӣ ва шаҳрвандони тоҷики сокини Анқара ширкат доштанд. Баъди дар толор танинандоз гардидани садои сурудҳои миллии ҳарду кишвар, сафири Тоҷикистон дар Туркия Фаррух Шарипов ҳамаи меҳмононро хайра мақдам гуфта, ҳозиронро ба муносибати солгарди Истиқлолияти Ҷумҳурии Тоҷикистон муборакбод намуд. Ниҳод Эргюн дар навбати худ зикр намуд, ки Тоҷикистон тайи 21 соли истиқлолият дар ҳамаи соҳаҳои иқтисодиёти кишвар ба муваффақиятҳои назаррас ноил шуда, муносибатҳои байни ҳарду кишвар рушду густариш меёбанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






