Ташкили фонди қарзӣ барои рушди соҳибкорӣ
Душанбе, 14 сентябр. (АМИТ «Ховар», Бекназари Абӯбакр). — Ҷараёни ҳамкориҳои Корпоратсияи байналмилалии молиявӣ (IFC) бо Ҳукумати Ҷумҳурии Тоҷикистон ва бевосита бо Кумитаи давлатии сармоягузорӣ ва идораи амволи давлатии ҶТ дар радифи татбиқи ислоҳоти иқтисодӣ дар мулоқоти раиси ин Кумита Давлаталӣ Саидов бо сардори барномаи IC дар Осиёи Марказии IFC Кристофер Миллер баррасӣ гардид.Дар мулоқот қайд гардид, ки Кумитаи давлатии сармоягузорӣ ва идораи амволи давлатӣ дар ҳамкорӣ ва бо кўмаки техникии IFC як қатор ислоҳотҳоро дар самти санҷишҳои фаъолияти соҳибкорӣ, низоми иҷозатдиҳӣ, муколамаи давлат бо бахши хусусӣ, шарикии давлат бо бахши хусусӣ, инчунин дар баргузории тендери байналмилалии азхудкунии комплексии захираҳои Конимансури Калон самаранок татбиқ мекунад.Дар ин замина мавзӯи лоиҳаи Қонуни Ҷумҳурии Тоҷикистон «Дар бораи шарикии давлат ва бахши хусусӣ», ки дар айни ҳол дар баррасии Маҷлиси намояндагони Маҷлиси Миллӣ қарор дорад, бо назаодошти нақшаҳои минбаъдаи ислоҳоти самти мазкур, мавриди муколама қарор гирифт. Кристофер Миллер қайд намуд, ки қабули чунин санад ба фазои мавҷудаи мусоиди сармоягузории Тоҷикистон боз як нишонаи мусбатро зам хоҳад кард ва дар назар аст, ки IFC дар доираи он дар соли 2013 ҷиҳати сармоягузорӣ ба соҳаҳои реалии иқтисодиёти мамлакат тақрибан 100 млн. доллари ИМА маблағҳои сармоягузориро ҷалб намояд.Дар баробари ин, Раиси Кумита қабули ин санадро дар рушди бахши хусусӣ ва ҷалби сармоягузории мустақими хориҷӣ мусбат арзёбӣ намуд. Д. Саидов ҳамкориро дар ташкили фонди муштараки қарздиҳии хурд барои соҳибкорон мувофиқи мақсад шуморид. Дар ин бобат ў афзуд, ки ҳангоми ташаккули Фонди мазкур мо бояд чунин механизми дастгирии бахши хусусиро таъмин намоем, ки ба рушду тавсеаи иқтидорҳои истеҳсолии бахши хусусӣ равона шавад ва набояд барои муфлисшавии онҳо замина офарад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






