Таъсиси ҷойҳои нави корӣ дар Шӯрообод

Шӯрообод, 12 сентябр. (АМИТ «Ховар», С. Холов).-Дар ноҳияи Шӯрообод дар 9 моҳи соли ҷорӣ аз тарафи шӯъбаи Агентии давлатии ҳифзи иҷтимоӣ, шуғли аҳолӣ ва муҳоҷирати ноҳия 8 маротиба ярмаркаи ҷойҳои кории холӣ ва вазифаҳои озод доир шуд, ки дар он аз 7 то 14 муассиса ширкат варзида, дар маҷмӯъ 151 нафар бо ҷои кори доимӣ таъмин гардиданд. Аксари корҷуён ба соҳаҳои фарҳанг, маориф, тибб ва корҳои сохтмонӣ сафарбар гардидаанд. Барои фаро гирифтан ба курсҳои омӯзишӣ 130 зан ба курси дӯзандагӣ ва 20 мард ба корҳои кафшергарӣ, дуредгарӣ ва дигар курсҳои кӯтоҳмуддат ҷалб шуда, дар айни ҳол таҳсилро идома дода истодаанд.