Тавсияи вакил ба интихобкунандагон

Душанбе, 20 сентябр.(АМИТ «Ховар», Марзия Саидова).- «Бунёди як қатор иншооти бузургу муҳими аҳамияти стратегидошта дар кишвар самараи истиқлолияти давлатист», гуфт зимни мулоқоташ Давлаталӣ Давлатзода-вакили Маҷлиси намояндагон бо интихобкунандагон –сокинони ҷамоати деҳоти Деҳмалики ноҳияи Варзоб. Дар мулоқот доир ба масоили муҳими марбут ба ҳаёти иҷтимоиву иқтисодӣ ва кишоварзии ноҳияву кишвар таваҷҷўҳ зоҳир карда шуд. Д. Давлатзода ривоҷ додани соҳаи боғдориро дар ҷамоати деҳоти Деҳмалик, хусусан шинонидани дарахтони мевадору сояафканро дар талу теппаҳои он омили асосии пешрафти ин маҳал арзёбӣ кард. Дар мулоқот зикр шуд, ки ҳадафи асосии вохўрии вакилони палатаи поёнии парлумони кишвар бо интихобкунандагони худ- ошно гаштан бо ҳаёти онҳо, рафъи мушкилот ва дар доираи қонунҳои амалкунанда ба назар гирифтани дархосту пешниҳодҳои аҳолӣ ҷиҳати такмили қонуну санадҳои таҳияшаванда аст.12.54.