Тоҷикистон дар иҷлосияи ИВА ИДМ

Душанбе, 20 сентябр. (АМИТ «Ховар», Покиза Маҳмадбекова).- 21 сентябр дар Ҷумҳурии Беларус иҷлосияи Шӯрои вазирони адлияи давлатҳои аъзои Иттиҳоди иқтисодии АвруОсиё баргузор мегардад. Тавре ки дар Вазорати адлияи Тоҷикистон ба АМИТ «Ховар» хабар доданд, Тоҷикистонро дар иҷлосия муовини вазири адлия Абдуманнон Холиқов намояндагӣ мекунад. Иштирокдорони иҷлосия масоили аз ҷониби давлатҳо ба Шӯрои оид ба ҳуқуқҳои инсони СММ пешниҳод шудани хулоса дар бораи пиёда намудани ҳуқуқи башардӯстонаи байналмиллалиро мавриди муҳокима қарор медиҳанд. Шӯрои вазирони адлияи давлатҳои ахзои ИДМ ҳамчунин ҷиҳатҳои мухталифи тадқиқоти судӣ, аз ҷумла масоили аниқ намудани ҳайати комиссияи ҳамоҳангозӣ, ташкили низоми менеҷменти муассисаҳои судию коршиносӣ, қабули Кодекси одоби касбии коршиносони муассисаҳои судӣ ва ғайраро баррасӣ менамояд.Дар чаҳорчӯбаи сафар ба Ҷумҳурии Беларус ба имзо расонидани шартномаи миёни вазоратҳои адлияи Беларус ваТоҷикистон дар назар аст.