Тоҷикистон кишвари рушдёфтаи туристӣ хоҳад гашт

Сентябрь 27, 2012 10:15

Душанбе, 27 сентябр.(АМИТ «Ховар», Марзия Саидова).- Имрўз дар саросари ҷаҳон Рўзи байналмилалии туризм (World Tourism Day) таҷлил мегардад. Ин сана аз ҷониби Ассамблеяи генералии Созмони байналмилалии туристӣ дар соли 1979 зимни як ҳамоиш дар шаҳри Торремолинои Испания эълон шудааст. Ҳадафи таҷлили Рўзи байналмилалии туризм дар саросари ҷаҳон тарғиби туризм, инъикоси нақши туризм дар рушди иқтисоди ҷаҳон ва тавсеаи ҳамкориҳои мутақобилан судманд байни кишварҳои мухталифи сайёра аст.  Дар робита ба Рўзи байналмилалии туризм имрўз дар меҳмонхонаи «Hyatt Regency»-и Душанбе конфронси саввуми миллӣ оид ба туризм баргузор мегардад, ки он бо ибтикори Кумитаи кор бо ҷавонон, варзиш ва сайёҳии назди Ҳукумати мамлакат дар ҳамкорӣ бо ассотсиатсияи мусоидати рушди туризм ва Созмони байналмилалии туризми Созмони Миллали Муттаҳид гузаронида мешавад. Интизор меравад, ки иштирокдорони ҳамоиш роҷеъ ба самтҳои афзалиятноки рушди соҳаи сайёҳӣ дар Тоҷикистон табодули назар намуда, дастовардҳои туризмро дар кишвар муаррифӣ хоҳанд кард. Бояд тазаккур дод, ки ёдгориҳои таърихию бостонии диёрамон, манзараҳои зебову нотакрори табиати кишвари офтобрӯяамон, хусусан кўҳҳои осмонбўси сарзамини Тоҷикистон кайҳо боз дили сайёҳони кишварҳои ҷаҳонро тасхир намудааст. Ин аст, ки ҳар сол ҳазорҳо нафар сайёҳон аз давлатҳои гуногуни олам ба Тоҷикистон меоянд. Тибқи нишондиҳандаҳои оморӣ танҳо дар нимсолаи соли 2012 –ум 65 ҳазор сайёҳи хориҷӣ ба Тоҷикистон сафар кардаанд. Бобати рушди соҳаи туризм, хусусан инкишофи инфрасохтори ин соҳа дар кишвар Ҳукумати Ҷумҳурии Тоҷикистон тадбирҳои мушаххас меандешад. Таҳия ва қабули барномаҳои ҳукуматӣ оид ба эълон намудани рушди минтақаҳои туризм шаҳодати гуфтаҳост. Пўшида нест, ки дар ояндаи начандон дур Тоҷикистон дар миқёси кишварҳои ҷаҳон ба яке аз давлатҳои рушдёфта дар бахши туризм хоҳад гардид, зеро туризм яке аз соҳахои афзалиятноки рушди иқтисодиёти миллии ҳар як давлат маҳсуб мешавад.

Сентябрь 27, 2012 10:15

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд