Вакилон ба иҷлосияи ёздаҳум даъват мешаванд

Душанбе, 11 сентябр. (АМИТ «Ховар», Мавҷуда Анварӣ).- 14-уми сентябри соли 2012 соати 9.00 дар маҷлисгоҳи Маҷлиси миллии Маҷлиси Олии Ҷумҳурии Тоҷикистон иҷлосияи ёздаҳум, даъвати чорум баргузор мегардад.  Тибқи иттилои Шӯрои Маҷлиси миллии Маҷлиси Олии Ҷумҳурии Тоҷикистон дар иҷлосияи ёздаҳум баррасии қонунҳо ва дигар санадҳои меъёрии ҳуқуқӣ вобаста ба масъалаҳои ҳаёти иҷтимоӣ, иқтисодӣ ва фарҳангии кишвар дар назар дошта шудааст. Аъзои Маҷлиси миллии Маҷлиси Олии Ҷумҳурии Тоҷикистон 12-13 сентябри соли 2012 аз соати 8.00 то соати 17.00 дар бинои Маҷлиси миллии Маҷлиси Олии Ҷумҳурии Тоҷикистон, ошёнаи дуюм, утоқи № 231 ба қайд гирифта мешаванд. Телефонҳо барои маълумот: 221-81-28, 227-18-98.