Вазорати тандурустӣ: «Иштироки кӯдаконро дар тадбири бекирмгардонӣ таъмин намоед»

Душанбе, 17 сентябр. (АМИТ «Ховар», Мавҷуда Анварӣ). — Шурӯъ аз имрӯз дар байни толибилмони муассисаҳои таълимии кишвар чорабинии бекирмгардонӣ бо истифода аз ду намуд доруворӣ – албендозол ва празиквантел ба нақша гирифта шудааст. Дар ин бора аз маркази матбуоти Вазорати тандурустӣ ба АМИТ «Ховар» иттилоъ доданд.Тибқи иттилои манбаъ, ба ин чорабинӣ наврасони аз синни 7 то 17 сола фаро гирифта мешаванд.Мақсади асосии чорабинӣ аз коҳиши миқдори гелминтҳо дар бадани кӯдакону наврасон, баланд бардоштани сатҳи маърифатнокии аҳолӣ нисбат ба пешгирии ин бемориҳо ва паст намудани сатҳи сирояти бемориҳо дар байни аҳолӣ, алалхусус кўдакону наврасон иборат мебошад.Вазорати тандурустӣ аз ҳамаи волидон эҳтиромона хоҳиш менамояд, ки то 28 сентябри соли ҷорӣ барои дар сатҳи баланд гузаштани ин чорабинӣ ҳамаҷониба мусоидат кунанд.