Вусъати бунёдкорӣ дар Шӯрообод

Шӯрообод, 7 сентябр. (АМИТ «Ховар», С. Холов).- Дар ноҳияи Шӯрообод корҳои бунёдкорию созандагӣ идома доранд. Дар давоми соли 2011 ва соли равон бо дастгирии ҳукумати ҶТ ва мақомоти иҷроияи ҳокимияти давлатии ноҳия бо маблағи 10 000 сомонӣ корҳои сохтмонӣ иҷро гардида, дар ин давра дар соҳаи маориф, фарҳанг ва дигар соҳаҳо беш аз 15 иншооти нав мавриди истифода қарор гирифт. Дар давоми ду соли охир дар миқёси ноҳия беш аз 23 иншооти соҳибкорӣ бунёд гардида , имрӯз дар аксар деҳоти ноҳия барои беҳдошти шароити иҷтимоӣ ва дастрас кардани молу маҳсулот боз 6 иншооти нави соҳибкорӣ ба истифода дода шудааст.