Зуҳури 50 намуди маъдан

Душанбе, 15 август. (АМИТ «Ховар», Л. Додо).- Тавре ки аз мақомоти маҳаллии ҳокимияти давлатии вилоят иттилоъ доданд, ҳоло дар вилоят барои иктишоф ва истихроҷи 7 кони канданиҳои фоиданоки мармар, тилло, мису никел ва нуқраи навоҳии Ванҷу Дарвоз ва Роштқалъаву Мурғоб ба 5 ширкати ватанию хориҷӣ иҷозатнома дода шуда ва онҳо фаъолияти худро идома дода истодаанд. Инчунин дар вилоят беш аз 42 кони гуногун, аз ҷумла кони тилло ва нуқра, ёқуту лоҷувард ва монанди инҳо кашф шуда, илова бар ин зуҳури 50 намуди канданиҳои фоиданок муайян карда шудааст. Солҳои наздик дар ҳудуди вилоят, бунёди корхонаҳои хурду миёна, истихроҷ ва коркарди маъданҳои кӯҳӣ ба роҳ монда шуда, ба ин васила ҷойҳои нави корӣ ташкил ва баландшавии сатҳи зиндагонии аҳолӣ комилан таъмин карда мешавад.