Ғалабаи «Равшан» бар «Гвардия»

Душанбе, 15 октябр. (АМИТ «Ховар»). – Рӯзи якшанбеи 14 октябр даври бистуми мусобиқоти Тоҷикистон оид ба футбол байни дастаҳои лигаи олӣ бо се вохӯрӣ анҷом ёфт. Дастаи «Истаравшан» дар варзишгоҳи «Пахтакор» — и Ғулакандоз дастаи СКА «Помир» — ро қабул кард. Ин вохӯрӣ бо ҳисоби як бар сифр ба фоидаи СКА анҷом ёфт.Дар Фархор вохӯрии байни дастаҳои «Ҳосилот» ва «Энергетик» — и пойтахт бо ҳисоби як бар як мусовӣ шуд. Дастаи «Равшан» — и шаҳри Кӯлоб дар майдони худ дастаи «Гвардия» — и шаҳри Душанберо бо ҳисоби се бар сифр мағлуб сохт. Дар ин бора аз Федератсияи футболи Тоҷикистон ба АМИТ «Ховар» хабар доданд.