Ғолибони Ҷашнвораи панҷуми байналмилалии синамои «Дидор»

Душанбе, 22 октябр. (АМИТ «Ховар»). – 20 октябр Ҷашнвораи панҷуми байналмилалии синамои «Дидор» корашро анҷом дод. Дар маросими тантанавор баста шудани ҷашнвора ғолибону ҷоизони он муокофотонида шуданд. Мукофоти асосии «Барои ифшои рӯзгори воқеии зан дар вазъияти душвор» ба коргардон Отиқ Раҳимӣ (Фаронса – Афғонистон) барои филми бадеии «Косаи сабр» супурда шуд. Коргардони Русия Шота Гамисония соҳиби мукофоти асосӣ барои филми «Дунёи орзӯю ҳавас» гардид. Ба филми «Хунарпешаи хор» (коргардон Румӣ Шоазимов, Тоҷикистон) дипломи махсуси Ҳаками байналмилӣ супурда шуд. Коргардон Шаҳзод Раҷабов (Тоҷикистон) барои филми бадеии «Чарх» мукофоти ҳусни таваҷҷӯҳи тамошобинонро гирифт. Дар ин ҷашнвора коргардонҳо ва ҳунарпешагони синамои бисёр кишварҳои иштироккунадаи он соҳиби мукофотҳои гуногун гардиданд.Ҷашнвораи шашуми байналмилалии синамои «Дидор» соли 2014 дар шаҳри Душанбе баргузор мегардад.