Қарзҳои шаҳрвандони ҶТ баргардонида мешаванд

Душанбе, 31 октябр. (АМИТ «Ховар», Ибодат Давлатова). – Моҳи октябри соли ҷорӣ бо сайъю кӯшиши кормандони Намояндагии Хадамоти муҳоҷирати назди Ҳукумати Ҷумҳурии Тоҷикистон дар Федератсияи Русия қарзҳои шаҳрвандони ҶТ аз рӯи музди меҳнат баргардонида шуданд.Тавре ки аз дафтари матбуоти Хадамоти муҳоҷирати Ҷумҳурии Тоҷикистон дар Федератсияи Русия ба мухбири АМИТ «Ховар» хабар доданд, қарзи шаҳрванди Ҷумҳурии Тоҷикистон Илҳом Латифов аз рӯи музди меҳнат ба маблағи 400 ҳазор рубл баргардонида шуд. Илҳом Латифов тайи якчанд моҳи солҳои 2011 ва 2012 ба ҳайси сохтмончии ширкати сохтмонии «Сонтел» — и шаҳри Маскав кор мекард. Ширкати мазкур дар баробари ширкату ташкилотҳои дигари сохтмонӣ ба бунёди иншоотҳои шаҳри Маскав ва вилояти Маскав машғул аст.