Қочоқчӣ дастгир шуд

Душанбе, 31 октябр. (АМИТ «Ховар», Лутфия Эшонқулова). – Кормандони Агентии назорати маводи нашъаовари назди Президенти Ҷумҳурии Тоҷикистон барои ҷилавгирии гардиши ғайриқонунии маводи нашъаовар амалиёти таъҷилии навбатиро рӯи кор оварданд.Мувофиқи хабари маркази матбуоти Агентии назорати маводи нашъаовар, дар ҷараёни амалиёти таъҷилӣ дар ҳудуди ноҳияи Ваҳдат сокини 20 солаи ин ноҳия, ки ба қочоқи маводи нашъаовар гумонбар шуда буд, дастгир гардид.Ҳангоми тафтишот аз сокини номбурда як бастаи селофании дорои маводи нашъаовар пайдо гардида, маълум шуд, ки он як килограмм героин доштааст.Мувофиқи маълумоти Агентии назорати маводи нашъаовар, мақомоти ҳифзи ҳуқуқ ва сохторҳои қудратии ҷумҳурӣ тайи 9 моҳи соли равон беш аз 5 тонна маводи нашъаоварро мусодира намуданд.