Қонун «Дар бораи ёрии тибби равонӣ» қабул мегардад
Душанбе, 15 октябр.(АМИТ «Ховар», Марзия Саидова).-Палатаи поёнии парлумони Тоҷикистон –Маҷлиси намояндагон 15 октябр лоиҳаи Қонуни Ҷумҳурии Тоҷикистон «Дар бораи ёрии тибби равонӣ»-ро дар ҷаласаи Шўро матраҳ намуд. Зикр шуд, ки мақсад аз таҳияи лоиҳаи ин қонун таъмини дастрасии шаҳрвандон ба ёрии тиббии баландихтисоси равонӣ, мукаммалсозӣ ва мутобиқ намудани меъёрҳои қонунҳои амалкунанда ба талаботи Қонунҳои Ҷумҳурии Тоҷикистон «Дар бораи санадҳои меъёрии ҳуқуқӣ», «Дар бораи забони давлатии Ҷумҳурии Тоҷикистон», қонунгузории мурофиавии Ҷумҳурии Тоҷикистон ва дигар санадҳои меъёрию ҳуқуқии Ҷумҳурии Тоҷикистон ба шумор меравад.Таъкид гардид, ки таъмини ҳуқуқҳои шаҳрвандон ба ҳифзи саломатӣ, баланд бардоштани сатҳи касбии расонидани ёрии тиббии равонӣ ба аҳолӣ, кафолати риояи ҳуқуқу озодиҳои шаҳрвандон ҳангоми расонидани ёрии тибби равонӣ зарурати таҳияи лоиҳаи қонуни мазкурро ба миён овардааст.Аъзои Шўрои палатаи поёнии парлумони мамлакат дар ҷаласа намояндаи Ҳизби халқии демократии Тоҷикистон Дилшод Исматуллоевро ба узвияти Кумитаи қонунгузорӣ ва ҳуқуқи инсони Маҷлиси намояндагон қабул карданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






