Ҳаҷми пасандозҳо афзуд

Душанбе, 12 октябр. (АМИТ «Ховар», Покиза Махмадбекова). — Сол то сол ҳаҷми пасандозҳои аҳолӣ дар бонкҳои кишвар зиёд шуда истодаанд. Аз рӯи иттилоъи Бонки миллии Тоҷикистон, дар ҳашт моҳи соли равон бақияи пасандозҳо нисбат ба ҳамин давраи соли гузашта 18,3 фоиз афзуд. Агар ба таркиби бақияи ҳаҷми пасандозҳо назар андозем, маълум мегардад, ки 39,8 фоиз ё 1 млрд. 831,4 млн. сомониро пасандозҳои шахсони ҳуқуқӣ ва 60,2 фоиз ё 2 млрд. 774,8 млн. сомониро пасандозҳои шахсони воқеӣ ташкил медиҳанд. Фоизи миёнавазни пасандозҳо дар моҳҳои январ-августи соли 2012 бо пули миллӣ 15,89 фоиз ва бо асъори хориҷӣ 13,39 фоизи солонаро ташкил доданд.