Ҳафтаи Аврупо дар Тоҷикистон

Октябрь 23, 2012 15:00

Душанбе, 23 октябр. (АМИТ «Ховар», Людмила Дубинина). – Аз 30 октябр то 4 ноябр дар Тоҷикистон ҳафтаи Аврупо таҳти унвони «Бо ҳам дар оянда» баргузор мегардад. Барномаи ҳафта як қатор чорабиниҳоро дар бар мегирад, ки бо ибтикори Маркази фарҳангии «Бохтар» ва шарикони он роҳандозӣ мешаванд. 30 октябр барномаи Ҳафтаи Аврупо бо консерти асарҳои бастакорони аврупоӣ дар иҷрои сарояндагони Театри давлатии академии опера ва балети ба номи С.Айнӣ дар Консерваторияи миллии Тоҷикистон ба номи Т.Сатторов оғоз меёбад. 31 октябр дар толори синамои Маркази фарҳангии «Бохтар» дар мавзӯи «Таъсири синамои Аврупо ба санъати синамои Тоҷикистон» гузориш дода мешавад. Худи ҳамон рӯз дар Хонаи синамо маросими ифтитоҳи расмии ҷашнвораи филмҳои Аврупо баргузор гардида, филми фаронсавии «Дахлнопазирон» намоиш дода мешавад. Дар Театри академии драмаи Тоҷикистон ба номи Абулқосим Лоҳутӣ маросими хатми Ҳафтаи Аврупо ва консерти мутрибони ҷавон баргузор мегардад. Дар нишасти матбуотӣ, ки дар Намояндагии Иттиҳоди Аврупо дар Тоҷикистон баргузор гардид, дар ин бора ба АМИТ «Ховар» хабар доданд. Мувофиқи суханони сафири Иттиҳоди Аврупо Эдуард Ауэр, роҳандозии Ҳафтаи ҳарсолаи Аврупо ба рушди равобити Иттиҳоди Аврупо ва Тоҷикистон дар бахши санъату фарҳанг мусоидат хоҳад кард.

Октябрь 23, 2012 15:00

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд