Ҳалокати 6 нафар бар асари садамаи нақлиётӣ

Душанбе, 8 октябр. (АМИТ «Ховар», Фарзона Достонзода). – Мувофиқи хабари маркази матбуоти Раёсати Бозрасии давлатии автомобилии ВКД ҷумҳурӣ, 7 октябр бар асари рух додани садамаи нақлиётӣ дар ноҳияи Ҷалолиддини Румии вилояти Хатлон 6 нафар ҳалок гардид. Дар натиҷаи аз ӯҳдаи идораи мошини боркаш баромада натавонистани ронандаи 23 – сола Холдор Худойбердиев нақлиёти номбурда ба мошини сабукрави ронанда Искандар Мусовиров бархӯрда, бар асари ин фалокат ронандаи мошини сабукрав ва 5 нафар мусофирони ӯ ҳалок гардиданд.Мувофиқи маълумоти Раёсати Бозрасии давлатии автомобилии ВКД ҶТ, аз оғози соли ҷорӣ дар роҳҳои Тоҷикистон 1029 садамаи нақлиётиӣ рух дода, бар асари онҳо 388 нафар ҳалок гардида ва 114 нафар захм бардоштааст.