Ҳалокати се нафар бар асари садама

Душанбе, 1 октябр.(АМИТ «Ховар», Фарзона Достонзод). — Ронандаи мошини тамғаи «BMW», сокини шаҳраки Пролетари ноҳияи Ҷ.Расулов Далер Умаров, соли таваллудаш 1988 ҳангоми ҳаракат бо роҳи мошингарди Душанбе-Истаравшан-Хуҷанд-Чаноқ дар ҳудуди ҷамоати деҳоти Деҳмой аз уҳдаи идораи воситаи нақлиёт набаромада, ба мошини тамғаи «КАМАЗ», таҳти идораи ронанда Ғайрат Фаттоҳов, сокини кӯчаи Дарғи шаҳри Панҷакент бархӯрдааст.Тавре ки ба АМИТ «Ховар» аз маркази матбуоти Вазорати корҳои дохилӣ иттилоъ доданд, дар натиҷа ронандаи мошини тамғаи «BMW» Д. Умаров ва мусофирони мошини мазкур Нусрат Сайфуллоеви 32 сола ва ноболиғ Зарнисор Темироваи 17 сола, сокини шаҳраки Пролетари ҳамин ноҳия аз ҷароҳатҳои бардоштаашон дар ҷойи ҳодиса ба ҳалокат расидаанд.