Ҳамкории Иттиҳоди Аврупо ва Тоҷикистон

Душанбе, 18 октябр. (АМИТ «Ховар»). – Ҳайати Иттиҳоди Аврупо дар Тоҷикистон конфронсро дар мавзӯи «Иттиҳоди Аврупо ва Ҳукумати Ҷумҳурии Тоҷикистон: ҳамкорӣ дар татбиқи ислоҳоти истифодаи маблағҳои давлатӣ» доир менамояд. Тавре ки аз намояндагии Иттиҳоди Аврупо дар Тоҷикистон ба АМИТ «Ховар» хабар доданд, конфронс ба муҳокимаи самараи лоиҳаҳои барномаҳои Иттиҳоди Аврупо ва саҳми онҳо ба ислоҳоти истифодаи маблағҳои давлатӣ дар Тоҷикистон бахшида шудааст.Конфронс ҳамчунин масоили аҳамияти рушди таҳсилоти касбии молиявӣ ва таҳқиқи илмии бахши истифодаи маблағҳои давлатии Ҷумҳурии Тоҷикистонро баррасӣ менамояд.