Ҳамоиши байналмилалии иқтисодӣ

Қӯрғонтеппа, 23 октябр. (АМИТ «Ховар», Мурод Сотиев). – 24 октябр дар шаҳри Қӯрғонтеппа ҳамоиши байналмилалии иқтисодии «Нерӯи минтақаҳои озоди иқтисодӣ дар рушди вилояти Хатлон» ба кораш шурӯъ мекунад. Тавре ки мутахассиси шӯъбаи иттилооту таҳлили маъмурияти вилояти Хатлон Нарзулло Олимов ба мухбири АМИТ «Ховар» хабар дод, дар ҳамоиш вакилони хориҷи дур ва наздик, намояндагони сафоратҳо ва созмонҳои байналмилалии муқими Ҷумҳурии Тоҷикистон ва аҳли тиҷорати ҷумҳурӣ иштирок менамоянд.Дар ҳамоиш роҳҳои рушди минтақаҳои озоди иқтисодии вилояти Хатлон ва густариши ҳамкорӣ бо усули ҷалби сармояҳо мавриди муҳокима қарор мегиранд.Алҳол дар вилояти Хатлон минтақаҳои озоди иқтисодии Данғара ва Панҷ мавҷуданд.