Ҳарорати ҳавои кишвар паст мефарояд

Душанбе, 17 октябр.(АМИТ «Ховар», Марзия Саидова).- Ҳавошиносони кишвар иттилоъ медиҳанд, ки фардо 18 октябр ҳарорати ҳаво дар ҷумҳурӣ назар ба имрўз то ду дараҷа паст фаромада, дар минтақаҳои куҳӣ ва водиҳо боридани борон пешгўӣ мешавад. Ҳарорати ҳаво дар вилояти Хатлон шабона 6- 10, рўзона 21-23 дараҷа, дар вилояти Суғд шабона 6-8 ва рўзона 16-17 дараҷа гарм мешавад. Дар ноҳияҳои тобеи марказ шабона 5-10, рўзона 13-18 дараҷа гарм, дар ғарби Вилояти Мухтори Куҳистони Бадахшон ҳарорати ҳаво шабона 4-9, рўзона 12-17 дараҷаро ташкил медиҳад. Дар шарқи вилоят шабона — 4- 9 дараҷа сард, рўзона 2-7 дараҷа гарм мешавад. Дар пойтахт ҳарорати ҳаво шабона 6-8 дараҷа ва рўзона 18- 19 дараҷа гарм шуда, боридани борони кутоҳмуддат дар назар дошта шудааст. Назар ба иттилои Парвина Саидҷамолова, мудири шуъбаи пешгўии боду ҳавои Муассисаи давлатии ҳавошиносии кишвар, тўли чанд рўзи охир дар ҷумҳурӣ бо ворид шудани ҳавои сарди шимолӣ бо фишори баланд, ҳарорати ҳаво дар ҷумҳурӣ паст фаромада, чангу ғубор ба амал омад.