«Ҳаёт»-и ҳаётбахш

Бадахшон, 15 октябр. (АМИТ «Ховар”, Л. Додо).- Ташкилоти ҷамъиятии «Ҳаёт» дар ҳамкорӣ бо Барномаи Агентии давлатии ҳифзи ичтимоӣ ва шуғли аҳолӣ дар ВМКБ фаъолияти худро сол ба сол беҳтар ба роҳ мемонад. Бибиноз Мирзоева –роҳбари ташкилоти ҷамъиятии «Ҳаёт» аз он фаъолзаноне мебошад, ки аз соли 2008 тибқи гранти президентӣ фаъолияти худро оғоз намуда, то имрӯз беш аз 200 нафар шогирдро тайёр кардааст.Ҷавондухтарон дар ин ҷо 6 моҳ касбҳои дӯзандагӣ ва пухтани маҳсулоти қаннодиро ёд мегиранд. Духтарон дар баробари соҳиби касби дилхоҳ гардидан инчунин ҳар моҳ аз ҷониби Агентии давлатӣ соҳиби идрорпулӣ ба маблағи 40 сомонӣ ва баъди хатми курси шашмоҳа соҳиби шаҳодатнома мегарданду пурра бо ҷои кор таъмин мешаванд.