“Ҳуқуқи гурезандагон”- маҳфил дар ДМТ

Душанбе, 18 октябр, (АМИТ «Ховар» Зарангез Латифова).- 19-уми октябри соли ҷорӣ дар факултаи ҳуқуқшиносии Донишгоҳи миллии Тоҷикистон муаррифии Маркази паноҳандагии “Ҳуқуқи гурезандагон” баргузор мешавад. Мавриди зикр аст, ки ин маҳфил бо иштироки кормандони ҳифзи ҳуқуқ, устодону аспирантон ва донишҷӯёни факултаи ҳуқуқшиносии Донишгоҳи миллии Тоҷикистон ҷараён мегирад. Бояд гуфт, ки маркази мазкур бо маблағгузории Иттиҳоди АвруОсиё ташкил шуда, барои такмили ихтисоси кормандони ҳифзи ҳуқуқ ва донишҷӯёну аспирантони донишгоҳ пешбинӣ шудааст. Дар ин бора аз Донишгоҳи миллии Тоҷикистон ба мухбири АМИТ «Ховар» хабар доданд.