Ҷаласаи роҳбарони агентиҳои назорати маводи мухаддир

Душанбе, 10 октябр. (АМИТ «Ховар», Лутфия Эшонқулова). – 9 – 10 октябр дар пойтахти Италиё шаҳри Рим ҷаласаи роҳбарони агентиҳои назорати маводи мухаддири кишварҳои манфиатдор аз рӯи масъалаи баррасии ибтикори нави муштараки Раёсати маводи мухаддир ва ҷиноятҳои СММ ва Раёсати сиёсати миллии алайҳи маводи мухаддири Италиё баргузор гардид.Аз ҷониби Тоҷикистон дар ҷаласа сардори шӯъбаи назорати гардиши маводи мухаддир ва ҷилавгирии нашъамандии Агентии назорати маводи мухаддири назди Президенти Ҷумҳурии Тоҷикистон Алишер Ташрифов иштирок дошт.Тавре ки аз маркази матбуоти Агентии назорати маводи мухаддир ба АМИТ «Ховар» хабар доданд, дар ҷараёни ҷаласа маросими муаррифии лоиҳае сурат гирифт, ки дар он масоили ташаккули низомҳои самарабахш ва илман асоснокшудаи ҷилавгирии истеъмоли маводи мухаддир баррасӣ шудаанд.Мувофиқи маълумоти манбаъ, марҳалаи аввали татбиқи лоиҳаи мазкур бархе кишварҳои Амрикои Марказӣ, Осиёи Шарқию Марказӣ, ҳамчунин Африқои Шимолӣ ва Шарқи Наздикро фаро мегирад.