Ҷаласаи роҳбарони ПСС ИДМ

Душанбе, 18 октябр. (АМИТ «Ховар»). — 19 октябр дар шаҳри Душанбе ҷаласаи Х Шӯрои роҳбарои палатаҳои савдо ва саноати давлатҳои аъзои ИДМ баргузор мегардад. Тавре ки аз Палатаи савдо ва саноати Ҷумҳурии Тоҷикистон хабар доданд, дар кори ҷаласа роҳбарони палатаҳои зикршудаи кишварҳои ИДМ, ҳамчунин муовини раиси Кумитаи иҷроия – муншии умумии ИДМ Анатолий Дрон иштирок мекунанд.Иштирокдорони ҷаласа натиҷаи фаъолият тайи даҳ соли охир ва дурнамои рушд, мақоми Шӯрои роҳбарони палатаҳои савдо ва саноти давлатҳои аъзои ИДМ дар амри густариши равандҳои ҳамгироӣ дар кишварҳои ИДМ, феҳристи чорабиниҳо дар мавриди ташкили намоишгоҳу ярмаркаҳо ва гайраро мавриди муҳокима қарор медиҳанд.