Ҷашнвораи «Дидор» давом дорад

Душанбе, 19 октябр. (АМИТ «Ховар»). – Ҷашнвораи 5 – уми байналмилалии «Дидор» дар шаҳри Душанбе давом дорад.Дар рӯзи дуюми ҷашнвора дар бахши барномаи озмунӣ филмҳои синамогарони Тоҷикистон, Русия ва Қирғизистон намоиш дода шуданд.Мувофиқи хабари котиби матбуоти ҷашнвораи «Дидор» Зафар Абдуллоев, 17 октябр аввалин нишасти матбуотии расмӣ баргузор гардид, ки дар он ҳунарпешаи маъруфи тоҷик Муҳаммадалӣ Маҳмадов суханронӣ кард. Сипас наворе дар бораи фаъолияти эҷодии Муҳаммадалӣ Маҳмадов намоиш дода шуд. Дар хотима М.Маҳмадов ба гурӯҳи эҷодии Намоишномаи байналмилалии синамои «Дидор» барои кӯшишҳояш ҷиҳати эҳё намудани синамои тоҷик изҳори миннатдорӣ кард. Мувофиқи хабари манбаъ, дар толори калони Хонаи кино филмҳои озмунии ИМА, Маҷористон, Афғонистон, Фаронса, Туркманистон, Канада ва Мали намоиш дода мешаванд.