80- соли фаъолияти «Омӯзгор»
Душанбе, 12 октябр. (АМИТ «Ховар», Фирӯза Давлатова). — Имрӯз дар толори Донишкадаи ҷумҳуриявии такмили ихтисос ва бозомӯзии кормандони соҳаи маориф ба ифтихори 80-умин солгарди таъсиси ҳафтаномаи Вазорати маорифи Ҷумҳурии Тоҷикистон «Омӯзгор» маҷлиси тантанавӣ баргузор мегардад.Дар маҷлиси тантанавӣ муовини сарвазири кишвар Р. Қурбонова, вазири фарҳанг М. Асрорӣ, сармуҳарири ҳафтанома Н.Нуралиев, раиси Иттифоқи нависандагон Меҳмон Бахтӣ, раиси Иттифоқи журналистон А.Сатторов ва устодони ДМТ П.Гулмуродзода ва М. Муродов маърӯза хоҳанд кард.Мавриди зикр аст, ки рӯзномаи «Омӯзгор» аз 20 июли соли 1932 (бо қарори Бюрои КМ ПК Тоҷикистон аз 5 июли соли 1932 №112) бо номи «Барои маорифи коммунистӣ» рӯйи чоп омадааст. Дар тӯли фаолияти 80- солаи худ рӯзнома бо номи «Маориф ва маданият», «Газетаи муаллимон» ва аз соли 1989 зери унвони «Омӯзгор» нашр мешавад.Рӯзнома бо навиштаҳои худ дар баррасию ҳалли бисёр мушкилоти соҳаҳои маориф саҳм мегузорад. Теъдоди нашри он дар айни ҳол зиёда аз 25 ҳазор нусха буда, ҳафтае як маротиба дар ҳаҷми 16 саҳифа чоп мешавад.
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
