«Афсонаҳои сибирӣ»-и театри «Лӯхтак»

Душанбе, 8 октябр. (АМИТ «Ховар», Мавҷуда Анварӣ). – Аз имрӯз то 15-уми октябри соли ҷорӣ дар театри «Лӯхтак»-и пойтахт намоишномаи «Афсонаҳои сибирӣ» пешкаши тамошобинони хурдсол мегардад. Намоишномаро Театри давлатии «Лӯхтак»-и шаҳри Томски Русия, ки дар айни замон дар шаҳри Душанбе бо сафари ҳунарӣ қарор дорад, пешкаш менамояд.Дар ин бора Кенҷа Иброҳимов, директори театри «Лӯхтак»-и Душанбе ба хабарнигори АМИТ «Ховар» иттилоъ дод. Номбурда гуфт, ки ҳамчунин дар раванди ҳамкориҳои фарҳангии Тоҷикистон бо Русия мутахассисони рус дар театри «Лӯхтак»-и Тоҷикистон дарсҳои тахассусӣ меомӯзанд. Ёдовар мешавем, ки ин театр дар якумин ҷашнвораи байналмилалии «Намоишҳои арӯсакӣ», ки соли 2007 дар театри «Лӯхтак»-и шаҳри Душанбе баргузор гардида буд, ширкат дошт.