Арзиши зангҳо ба Русия боло меравад

Душанбе, 15 октябр. (АМИТ «Ховар» Зарангез Латифова) .- Аз 1 – уми ноябри соли равон нархҳои зангҳои байнидавлатӣ бо Русия дар ҳамаи шабакаҳои алоқаи мобилӣ баланд бардошта мешавад. Ин иқдом барои иҷрои қарори Хадамоти зиддиинҳисории назди Ҳукумати кишвар аз 27-уми сентябри соли 2012 гирифта шудааст, афзуданд операторони мобилӣ. Як дақиқаи суҳбат бо муштариёни дилхоҳи шабакаҳои алоқаи Русия акнун аз 10 сент кам нахоҳад буд. Бар замми ин ба ин нарх андоз аз нархи иловашуда ва аксиз дохил намешавад. Ба гуфтаи ширкатҳо, нархҳо барои ҳама андозаҳои рақамчинӣ боло бурда мешаванд. Дар ин хусус ба АМИТ «Ховар» аз ширкатҳои «Мегафон Тоҷикистон», Tcell ва «Вавилон-мобайл» иттилоъ доданд.