Баргузории Шӯрои энергетикии ИДМ дар Минск

Душанбе, 18 октябр. (АМИТ «Ховар», Кристина Эрлих). – 19 октябр дар шаҳри Мински Беларус ҷаласаи 41 – уми Шӯрои энергетикии кишварҳои аъзои ИДМ баргузор мешавад. Ҷумҳурии Тоҷикистонро дар ҷаласа раиси ШСХК «Барқи тоҷик» Абдулло Ёров ва сардори раёсати равобити байналмилалии ширкати мазкур Рустам Раҳимов намояндагӣ мекунанд.Дар ин бора роҳбари дафтари матбуоти ширкати «Барқи тоҷик» Нозир Ёдгорӣ ба мухбири АМИТ «Ховар» хабар дод.Мувофиқи суханони манбаъ, дар ҷаласаи Шӯро масоили мубрами ҳамкории низомҳои энергетикии давлатҳои Иттиҳод мавриди муҳокима қарор мегиранд. Абдулло Ёров ба иштирокдорони ҷаласа аз вазъи энергетикии Тоҷикистон ва бунёди иншоотҳои нави энергетикӣ иттилоъ медиҳад.Ғайр аз ин Абдулло Ёров дар ҷараёни иҷлосия бо бархе роҳбарони ниҳодҳои энергетикии кишварҳои ИДМ мулоқотҳои дуҷониба анҷом хоҳад дод.