Баррасии лоиҳаи стратегияи зиддимухаддиротӣ
Душанбе, 5 октябр. (АМИТ «Ховар», Мавҷуда Анварӣ).- Дар Агентии назорати маводи нашъаовари назди Президенти Ҷумҳурии Тоҷикистон ҷаласаи навбатии гурӯҳи корӣ оид ба таҳияи лоиҳаи «Стратегияи Ҷумҳурии Тоҷикистон оид ба назорати маводи мухаддир дар солҳои 2013-2022» баргузор гардид. Дар таҳияи он намояндагони вазорату идораҳои салоҳиятдор ширкат намуданд. Фаъолияти гурӯҳи корӣ масъалаҳои густардаи мубориза бо ҷиноятҳои мухаддиротӣ, пешгирии нашъамандӣ, табобат ва офиятбахшии беморони гирифтори нашъмандиро дар бар мегирад. Дар ҷараёни баррасии навбатии лоиҳа намояндагони вазорату идораҳои дахлдор пешниҳодҳои худро ба Стратегия ироа доштанд. Маврид ба ёдоварист, ки Стратегия чор самти асосии фаъолият, аз ҷумла муқобилият бо таҳдидҳои мухаддиротӣ, коҳиши талабот ба маводи мухаддир, ҳамкориҳои байналмилалӣ, табобат ва офиятбахшии беморони гирифтор ба нашъамандиро дар бар гирифтааст. Мутобиқ ба Стратегия нақшаи чорабиниҳо ва барномаҳои зиддимухаддиротӣ тарҳрезӣ ва қабул хоҳанд шуд. Дар ин бора аз Агентии назорати маводи нашъаовари назди Президенти Ҷумҳурии Тоҷикистон ба АМИТ «Ховар» иттилоъ доданд.
Имрӯз дар Тоҷикистон ҳаво то 40 дараҷа гарм мешавад
Имрӯз дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
