Боздошти ҷавонони ба ҳавопаймоҳо садамаэҷодкунанда

Октябрь 8, 2012 11:21

Душанбе, 8 октябр. (АМИТ «Ховар», Мавҷуда Анварӣ). — Як гурӯҳ ҷавонону наврасон аз ҷониби кормандони РВКД шаҳри Душанбе боздошт шуданд, ки онҳо нимашабҳо бо лазери пурқувват ба ҳаракати мунтазами воситаҳои нақлиёти ҳавоӣ, тайёраву чархболҳо халал расонида, хавфи сар задани фалокат ва садамаҳои ҳавоиро пеш меоварданд.Кормандони мақомоти корҳои дохилӣ барои содир намудани ин амали хатарнок шаҳрвандон Мурод Неъматови 20- сола, донишҷӯи соли якуми Донишгоҳи давлатии тиҷорати Тоҷикистон, Ҷамолиддин Исматови 15 -сола, хонандаи синфи 9 мактаби таҳсилоти умуми №66 ноҳияи Сино, Шоҳрух Аъзамови 15- сола, хонандаи синфи 9 МТУ №40 ноҳияи Фирдавсӣ, Равшан Мусоеви 17 -сола, хонандаи синфи 11 МТУ №50 ноҳияи Синоро дастгир намуда, аз онҳо ду адад асбоби равшанидиҳандаи лазер мусодира карданд.Инчунин шаҳрванд Холмаҳмад Абдураҳмонови 38- сола, зодаи шаҳри Кӯлоб, сокини шаҳри Душанбе, ки ба ин ноболиғон асбобҳои мазкурро фурухтааст, боздошт шуд.Нисбат ба падару модари ноболиғони мазкур бо талаботи моддаи 90-уми Кодекси ҳуқуқвайронкунии маъмурии Ҷумҳурии Тоҷикистон пратоколи ҳуқуқвайронкунии маъмурӣ тартиб дода шуда, онҳо барои бемасъулиятиашон нисбат ба таълиму тарбияи фарзанд ба ҷавобгарии маъмурӣ ҷалб шуданд.Дар ин бора аз Вазорати корҳои дохилӣ ба АМИТ «Ховар» иттилоъ доданд.

Октябрь 8, 2012 11:21

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд