Бунёди роҳи мошингард дар ноҳияи Балҷувон

Душанбе, 22 октябр. (АМИТ «Ховар», Кристина Эрлих). – Дар ноҳияи Балҷувони вилояти Хатлон лоиҳаи бунёди роҳи нави мошингард дар амал татбиқ карда мешавад. Сохтмони ин роҳ аз маркази маъмурии ноҳия то ҷамоати Сари Хосор тӯл мекашад.Тавре ки аз Вазорати нақлиёти Ҷумҳурии Тоҷикистон ба мухбири АМИТ «Ховар» хабар доданд, лоиҳаи таҷдиди ин роҳи мошингард ба масофаи 35 километр чандин сол пеш таҳия гардида, вале бино ба кифоят накардани маблағ сохтмони он мавқуф гузошта шуда буд. Имсол барои бунёди он аз буҷаи давлат 500 ҳазор сомонӣ ҷудо карда шудааст.