Чанд хабар аз хориҷи кишвар
Изҳороти роҳбарияти ширкати «Хюлит Пакерд»
Душанбе, 16 октябр. (АМИТ «Ховар»).-Изҳороти роҳбари ширкати «Хюлит Пакерд»- Мэк Уиттман оид ба корхонааш,ки вақтҳои наздиктарин аз вартаи буҳрон раҳо ёфта наметавонад, боиси коҳиши арзиши саҳмияҳои он гардидааст. Ба гуфти расонаи хабарии «Rassian To-Day» коршиносони соҳа нишондиҳандаҳои корхонаро менамоянд. Ҳамин тавр, ба ҳар як саҳмия 3,5 доллар рост меояд. Ин дар ҳолест, ки қаблан коршиносон 4 доллару 16 сентро пешгўӣ мекарданд. Ба гуфтаи роҳбарияти ширкат, соли оянда барои «Эйч-Пи» мавсими навсозии дохилӣ ва бартарафкунии камбудиҳо хоҳад буд. Созишнома байни ду ширкати ҳавопаймоӣ Душанбе, 16 октябр. (АМИТ «Ховар»).- Ширкатҳои ҳавопаймоии «Kantasi»-и Австралия ва «Emirates»-и Арабистони Саудӣ аризаи худро аз комиссия оид ба рақобат ва ҳуқуқи истифодабарандагони Австралия дар бораи таҳассуни пешакии иттифоқашон бозпас хонданд. Ин амал ба онҳо имконият медод, ки вақти парвоз ва арзиши билетҳоро дар мувофиқа бо якдигар ба роҳ монанд. Ба гуфти роҳбари ширкати «Kantasi» сохтори зиддиинҳисорӣ набояд барои кадом як коре аз болои онҳо даъво кунад. Ин дар ҳолест, ки ширкати мазкур як қисми хатсайрҳои худро тағйир медиҳад. Акнун мусофирони он на тавассути роҳҳои ҳавоии Сингапур, балки бо роҳи Дубай парвози худро анҷом хоҳанд дод. Задухӯрд миёни сарбозони Сурия ва Туркия Душанбе, 16 октябр. (АМИТ «Ховар»).- Дар минтақаи сарҳадии Тел Абайди Сурия миёни сарбозони Сурия ва Туркия задухӯрди мусаллаҳона ба қайд гирифта шуд. Тавре ки расонаи хабарии Hamshari.News итилоъ медиҳад, дар вақти задухӯрд 5 сарбози Сурия ба ҳалокат расида, чанд тани дигар ҷароҳати гуногун бардоштанд. Аз сарбозони Туркия низ зиёда аз 12 тан ба ҳалокат расида, 40-каси дигар ҷароҳатҳои гуногун бардоштанд. Вале то ҳол сабаби сар задани чунин ҳодиса муайян нашудааст. Дар айни ҳол тамоми кормандони мақомоти ҳифзи ҳуқуқи ду кишвар дар ҷойи ҳодиса фаъолият доранд. Тарҷумаи Иброҳими Ҳабибуллоҳ








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






