Чанд хабар аз хориҷи кишвар
Таҷлили дастовардҳои кайҳоннавардон дар Русия Душанбе, 18 октябр. (АМИТ «Ховар»).- Назар ба иттилои расонаи хабарии «Rassian Today.news» ҳар сол дар Русия дар моҳи октябр рўзи дастовардҳои кайҳонавардонро таҷлил мекунанд. Боиси қайд аст, ки 55 сол қабл аввалин радифи сунъиро аз Иттиҳоди Шўравӣ ба кайҳон фиристода буданд. Дастгоҳи мазкур 1500 маротиба атрофи заминро давр задааст. Ба гуфти сардори раёсати илм, техника ва технологияи муосири Академияи илмҳои ҷумҳурӣ амалиёти мазкур дар тамоми ҷаҳон шуҳрати беандозаро соҳиб гашт. Дар вақти гузаронидани мавҷҳои радиоии радифи маснуъи мазкур, олимон қабати болии фазоро мавриди таҳқиқ қарор медоданд. Ин рўйдодро дар тамоми ҷаҳони муосир аз воқеаҳои бузургтарини таърихӣ меҳисобанд.Таркиш дар Кунари Ҷумҳурии Исломии Афғонистон Душанбе, 18 октябр. (АМИТ «Ховар»).-Дар вилояти Кунари Ҷумҳурии Исломии Афғонистон дар натиҷаи таркиши сахт 3 нафар ба ҳалокат расида, чанд тани дигар ҷароҳати гуногун бардоштанд. Ба гуфти сардори матбуоти Вазорати корҳои дохилии кишвар ҳалокшудагон ҳама узви як оила буда, дар роҳ ба сӯи кор равона будаанд. Бояд қайд кард, ки таҷҳизоти таркандаро тавассути дастгоҳи идоракунандаи фосилавӣ ба кор даровардаанд. Аз ҷониби кӣ ва бо кадом мақсад содир шудани амали террористӣ то ҳол маълум нест.Фурўши молҳои чакана дар кишварҳои минтақаи евро Душанбе, 18 октябр. (АМИТ «Ховар»).- Фурўши молҳои чакана дар кишварҳои минтақаи евро дар моҳи августи соли равон 0,1 дарсад афзоиш ёфтааст. Мутобиқи маълумоти шабакаи телевизионии «Алҷазира»-и давлати Қатар сабаб дар он аст, ки дар мавсими тобистон бештари аврупоиҳо ба рухсатии меҳнатӣ баромада, бо мақсади истироҳат бештар маблағҳои худро масраф мекунанд. Вале дар асл буҳрони шадиди молӣ ҳанўз якчанд давлати Аврупоро ранҷ медиҳад. Ба гуфти коршиносони соҳаи иқтисодӣ ҳаҷми фурўши молу маҳсулот дар Олмону Португалия мутаносибан 0,8 ва 6 дарсад коҳиш ёфтааст.Тарҷумаи Иброҳими Ҳабибуллоҳ








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






