Чопи дуввуми таҳрири нави романи «Вахш»
Душанбе, 16 октябр. (АМИТ «Ховар», Заррина Саидова).-Романи сегонаи «Вахш», ки қисмати инсонҳои ватандўст, таҳаммулпазир, ваҳдатгаро ва фарҳангсозро дар печидагиҳо ва гудозҳои ҳаёт бо обу ранги бадеӣ дар бар мегирад, дар таҳрири тозаи нависанда Сайдаҳмади Зардон аз тариқи нашриёти «Илм» маротибаи дуввум пешниҳоди алоқамандони каломи бадеъ гардид. Романи «Вахш» бозгўи эҳсосоти қалбии як мусофири кории тоҷик аст, ки баъди дарозои солҳо ба ватан баргашта, перомуни қазия саргузашти се насли як хонаводаи Вахшонзаминро барандоз мекунад. Қаҳрамонони марказии асар зимни озмудани ранҷҳои зиндагӣ маънавиёт ва ахлоқи волои миллиро ҳифз намуда, бо хислатҳои нек дар муҳити худ таъсир мегузоранд. Саргузашти онҳо саргузашти ҳазорон фарзанди баору номуси тоҷик аст, ки пайванди маънавӣ ва табиии худ ба ватани аҷдодиро барои хеш муҳимтарин ва арзишмандтарин сармояи зиндагӣ медонанд. Ба нашри дуввуми роман Нависандаи халқии Тоҷикистон Саттор Турсун пешгуфтор навиштааст. Романи сегонаи «Вахш» зери назари Шоири халқии Тоҷикистон, дорандаи Ҷоизаи давлатии ба номи Абўабдулло Рўдакӣ Гулназар Келдӣ ва Нависандаи халқии Тоҷикистон, дорандаи Ҷоизаи давлатии ба номи Абўабдулло Рўдакӣ Саттор Турсун ба зевари чоп ороста шудааст.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
