Чорабиниҳои пешакӣ дар Хоруғу Ишкошим

Душанбе, 22 октябр. (АМИТ «Ховар», Лутфия Эшонқулова). – Кормандони Агенти назорати маводи нашъаовари назди Президенти Ҷумҳурии Тоҷикистон дар ҳошияи чорабиниҳо ҷиҳати ҷилавгирии нашъамандӣ ва роҳ надодан ба паҳншавии маводи нашъаовар дар ҳудуди ВМКБ бо донишҷӯёни коллеҷи тиббии шаҳри Хоруғ, ҳамчунин сокинони маҳалла ва хонандагони макотиби миёнаи таҳсилоти умумии деҳаи Қозидеҳи ноҳияи Ишкошим вохӯрданд.Мувофиқи хабари маркази матбуоти Агенти назорати маводи нашъаовари кишвар, сардори шӯъбаи назорати гардиши маводи нашъаовар ва ҷилавгирии нашъамандии Агентӣ Алишер Ташрифов ба ҳозирон аз вазъи маводи нашъамандӣ дар кишвар, ҷиноятҳои марбут ба гардиши ғайриқонунии маводи нашъаовар ва дидани чораҳо ба манзури пешгирии паҳншавии он дар байни сокинони кишвар маълумот дод.Назар ба хабари манбаъ, ин чорабиниҳо идома доранд.