Доруи зуком ба марг мебурдааст!
Душанбе, 17 октябр. (АМИТ «Ховар», Руқия Гадоалиева). – Табибони амрикоӣ тавсия медиҳанд, ки ба кӯдакони то синни чорсола доруҳои зидди бемории зуком дода нашавад, зеро истеъмоли дору ба саломатии кӯдакон таъсири манфӣ мерасонад. Онҳо мегӯянд истеъмоли ҳар гуна доруворӣ ҳангоми бемории зуком ба саломатии кӯдаки зери чаҳорсола зарари дучанд мерасонад. Ҷанет Сервинт, табиби амрикоӣ гуфтааст, ки пас аз истеъмоли доруворӣ суръати набзи кӯдакон ба таври назаррас зудтар ва фишори хуни онҳо баланд мешавад. Табибони амрикоӣ ҳамчунин гуфтаанд, ки бе тавсияи табибон истеъмол кардани доруворӣ ҳатто ба кӯдакони шашсола низ таъсири манфӣ мерасонад. Онҳо таъкид доштаанд, ки ин пешниҳоди онҳо бо як пажуҳиши гузаронидаашон асоснок шудааст. Пажуҳишгарон зимни пажуҳиши худ муайян намудаанд, ки доруҳои зидди зуком бештар ба кӯдакони дусола ва сесола зарар мерасонанд, вале ба саломатии калонсолон низ таъсир хоҳанд гузошт. Бинобар ин бархе аз онҳо бар ин назаранд, ки истифодаи доруҳои зидди бемории зуком ҳатто барои кӯдакони то 12-сола мамнуъ эълон шавад. Алъон табибон барои бартараф сохтани зуком ва бемориҳои шадиди нафаскашӣ истеъмоли асалро тавсия медиҳанд. Дар ин бора сомонаи doctor.com хабар додааст.








Имрӯз дар Тоҷикистон ҳавои тағйиёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






