Дуои хайри зойирини тоҷик
Душанбе, 15 октябр. (АМИТ «Ховар», Дилшодаи Хайруллоҳ)- Тибқи супориши Президенти Ҷумҳурии Тоҷикистон Эмомалӣ Раҳмон мудири шуъбаи фарҳанги дастгоҳи иҷроияи Президенти Тоҷикистон Маҳмадсаид Пиров ва раиси Кумитаи корҳои дини назди Ҳукумати Ҷумҳурии Тоҷикистон Абдураҳим Холиқов ба шаҳри Маккаи мукаррамаи Арабистони Саудӣ рафтанд. Ҳангоми сафар онҳо дар назди хонаи Худо бо зиёраткунандаҳо мулоқот намуда, аз ҳоли эшон бохабар шуданд. Ҳангоми суҳбат зоирин аз сатҳи хизматрасонии гуруҳи корӣ ва роҳбаладон изҳори қаноатандӣ намуда, барои шукуфоии давлату миллат дуои хайр намуданд. Баъд аз мулоқот бо зоирини кишвар онҳо дар меҳмонхонаи Бофил воқеъ дар Маккаи мукаррама бо ҳайати гуруҳи корӣ, роҳбаладон, табибон, намояндагони ширкати хизматрасон ва меҳмонхонаҳо ҷаласа баргузор намуда, ҳисоботи масъулини меҳмонхонаҳоро доир ба вазъи будубоши ҳоҷиён, ҳолати санитарию эпидемиологӣ, таъминот бо маводи ғизоӣ шуниданд. Раиси Кумитаи корҳои дин бо назардошти дастовардҳо ва саъю кӯшиши шабонарӯзии масъулин аз баъзе камбудию норасоиҳои мавҷуда изҳори назар карда, барои сари вақт бартараф намудани онҳо супоришҳои мушаххас дод. Маҳмадсаид Пиров ҳозиринро бо фарорасии иди саиди Қурбон табрик гуфта, ба онҳо ҳаҷи мабрур ва мустаҷоб шудани дуоҳояшонро орзу намуд. Раиси Кумитаи дин Абдураҳим Холиқов аз будубоши ҳайати гуруҳи корӣ, роҳбаладон, табибон изҳори қаноатмандӣ намуда, дастур дод, ки мавсими ҳаҷи имсоларо бо натиҷаҳои хуб ҷамъбаст намоянд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






