Эмомалӣ Раҳмон: «Бунёдкориро вусъат медиҳем»
Шаҳристон, 27 октябр. (АМИТ «Ховар», Афшини Муқим, Дилшодаи Хайруллоҳ) — «Алҳол дар кишвар 57 лоиҳаи сармоягузорӣ ба маблағи умумии беш аз нӯҳ миллиард сомонӣ амалӣ шуда истодаанд. Дар назар аст, ки дар солҳои наздик як қатор лоиҳаҳо дар ин самти фаъолиятамон амалӣ гардида, дар баробари идома додани бунёди иншооти муҳими иқтисодиву иҷтимоӣ садҳо километр роҳҳо ва нақбу пулҳо таъмиру таҷдид ва сохта хоҳанд шуд» Ин нуктаро Президенти Ҷумҳурии Тоҷикистон Эмомалӣ Раҳмон дар суханронии худ ба муносибати ифтитоҳи расмии нақби «Шаҳристон» иброз намуд. Ба гуфтаи Президент чун Ҳукумати Ҷумҳурии Тоҷикистон баромадан аз бунбасти коммуникатсиониро яке аз се ҳадафи стратегии худ қарор додаст, аз ин рӯ дар самти расидан ба ин мақсад ҳамоно бунёдкориву созандагиро идома хоҳад дод. Эмомалӣ Раҳмон бунёди нақби «Шаҳристон»- ро василаи эҳёи роҳи абрешим унвон карда, изҳори итминон намуд, мавриди истифода қарор гирифтани нақби «Шаҳристон» ҷиҳати боз ҳам боло рафтани сатҳу сифати рӯзгори аҳолӣ, рушди устувору босуботи бахшҳои иқтисодии кишвар нақши арзанда хоҳад гузошт. Сарвари давлат дар поёни суханронии худ ба анҷом расидани сохтмони роҳи мошингарди Душанбе – Истаравшан — Хуҷанд — Бӯстон – Чанак ва дар доираи ин лоиҳа ифтитоҳи нақби “Шаҳристон”-ро барои миллати тоҷик дар 21-умин солгарди Истиқлолияти давлатии кишвар ва 20-солагии Иҷлосияи 16-уми Шӯрои Олии Ҷумҳурии Тоҷикистон тӯҳфаи хубе унвон карда, ин санаро барои халқи тоҷик муборакбод намуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






