Фаъолияти хуби экологҳои ноҳияи Ҷаббор Расулов
Душанбе, 15 октябр. (АМИТ «Ховар»), Назир Назиров).- Охири ҳафтаи гузашта дар бахши ҳифзи муҳити зисти ноҳияи Ҷаббор Расулов семинари бозомӯзии вилоятӣ оид ба ташкили фаъолият баргузор гардид. Даставвал сарварони шуъбаву бахшҳои ҳифзи муҳити зисти шаҳру ноҳияҳои вилояти Суғд дар бахш бо раванди ташкили кор, муҷаҳҳаз намудани бинои корӣ бо таҷҳизоти замонавӣ ва компютерҳо, ташкили ҳуҷҷатнигорӣ шинос шуданд. Баъдан дар саҳни Муассисаи давлатии истироҳатии «Уқобча» меҳмонон аз намоишгоҳи 26 мактаби ноҳия бахшида ба Рӯзи ҷаҳонии ҳифзи ҳайвонот , боздид намуданд. Ба табиатдӯстони ҷавон ифтихорнома ва билетҳои узвият ба ҳаракати «Патрули сабз» супорида шуд. Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Т. Салимов андешаҳои хешро дар бобати дуруст ташкил намудани фаъолияти экологӣ баён дошт. Маърӯзаи М. Абдуллоев дар мавзии «Ташкили фаъолият дар бахши ҳифзи муҳити зисти ноҳияи Ҷаббор Расулов» фарогири масоили мубрами экологӣ ва роҳҳои ҳалли мушкилоти ташкилӣ буд. Дар ин бора аз шуъбаи ҳифзи муҳити зисти Суғд хабар доданд.
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
Пагоҳ дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
