Фаъолияти иқтисодӣ дар бахши барӯйхатгирии оморӣ

Душанбе, 1 октябр. (АМИТ «Ховар», Покиза Маҳмадбекова). – Чанде пеш дар шаҳри Душанбе семинар дар мавзӯи «Истифодаи табақабандии байналмилалии намудҳои фаъолияти иқтисодӣ дар амри барӯйхатгирии оморӣ» баргузор гардид. Тавре ки аз Агентии омори назди Президенти Ҷумҳурии Тоҷикистон ба АМИТ «Ховар» хабар доданд, дар кори семинар намояндагони дастгоҳи марказии Агентии омор, сарраёсатҳои омори Вилояти Мухтори Кӯҳистони Бадахшон, вилоятҳои Суғду Хатлон ва намояндагони шӯъбаҳои омори ноҳияҳои тобеи ҷумҳурӣ ширкат доштанд.Дар семинар ба истифодаи табақабандии намудҳои фаъолияти иқтисодӣ дар доираи низоми оморӣ, ҳамчунин такмили табақабандии намудҳои фаъолият дар амри барӯйхатгирии оморӣ диққати асосӣ дода шуд. Таҷрибаи роҳандозии барӯйхатгирӣ дар бахши кишоварзии Ҷумҳурии Қирғизистон низ баррасӣ шуда, дар фарҷоми семинар табодули афкор сурат гирифт.