ФФТ беҳтаринҳоро номбар кард

Душанбе, 16 октябр. (АМИТ «Ховар», Пайрав Назаров). – Аз рӯи натиҷаи пурсиши Федератсияи футболи Тоҷикистон дар байни мутахассисон дарвозабони дастаи «Истиқлол» — и шаҳри Душанбе ва дастаи мунтахаби Тоҷикистон оид ба футбол Алишер Тӯйчиев, сармураббии дастаи «Хайр» — и шаҳри Ваҳдат Юсуф Абдуллоев ва довари шаҳри Хуҷанд Хуршед Додобоев беҳтарин бозингар, беҳтарин мураббӣ ва беҳтарин довари Тоҷикистон дар моҳи сентябр дониста шуданд. Қобили зикр аст, ки ҷоизони пурсиш — Алишер Тӯйчиев, Юсуф Абдуллоев ва Хуршед Додобоев ҳар кадом аз ҷониби Федератсияи футболи Тоҷикистон дар ҳаҷми 500 сомонӣ мукофоти пулӣ мегиранд.