Гиромӣ доштани забони модарӣ қарз аст

Душанбе, 3 октябр. (АМИТ «Ховар», Ибодат Давлатова).- Бахшида ба Рӯзи забони давлатии Ҷумҳурии Тоҷикистон имрӯз дар Кумитаи кор бо занони назди Ҳукумати Ҷумҳурии Тоҷикистон мизи мудаввар баргузор гардид. Дар он намояндагони Кумитаи занон, Кумитаи забон ва истилоҳот, шоирон ва донишҷӯёни донишкадаҳо иштирок намуда, оид ба мавқеи забон ва масъалаҳои забони тоҷикӣ сухан ронданд. Тавре ки муовини раиси Кумитаи кор бо занон Марҳабо Олимова гуфт: «Ҳар сол дар саросари кишвар панҷуми октябр ҳамчун Рӯзи забони давлатии Ҷумҳурии Тоҷикистон ҷашн гирифта мешавад ва бояд гуфт, ки гиромӣ доштани забони модарӣ ва баланд бардоштани қадру манзалати он дар ҷомеаи имрӯза қарзи ҳар як шарванд аст».