«Хоҷа Насриддин ва панҷ зани ӯ» ба Тошканд рафт

Душанбе, 3 октябр. (АМИТ «Ховар», Мавҷуда Анварӣ). – Аз 1 то 7 октябр дар шаҳри Тошканд сеюмин ҷашнвораи байналмилалии театрии «Theatre.UZ/2012» баргузор гашта истодааст. Дар ҷашнвора ҳунарпешагони театрҳои ҳашт кишвари ҷаҳон, аз ҷумла Булғористон, Қирғизистон, Исроил, Русия, Бритониё, Юнон, Тоҷикистон ва Ӯзбекистон ширкат доранд.Тоҷикистонро дар ин ҷашнвора ҳайати ҳунармандони театри ба номи Маяковский бо намоишномаи «Хоҷа Насриддин ва панҷ зани ӯ» муаррифӣ хоҳад намуд. Тоҳир Мамадризоев, сардори Раёсати кор бо театрҳои Вазорати фарҳанг ба хабарнигори АМИТ «Ховар» гуфт: «Намоишномаи «Хоҷа Насриддин ва панҷ зани ӯ» як рӯз қабл аз анҷоми фестивал 6-уми октябр пешкаши тамошобинон мегардад. Ин намоишнома мазҳакавӣ буда, пурбинандатарин саҳнаи театрӣ ба ҳисоб меравад. Муҳтавои аслии он иборат аз моҷарои миёни Насриддин, қаҳрамони латифаҳои миллии тоҷикӣ ва чор хонуми дигарест, ки шоҳ онҳоро маҷбуран ба никоҳи вай даровардааст.