Иншооти нав аз ҷониби «Рушди деҳот»
Душанбе, 18 октябр. (АМИТ «Ховар», Фирӯза Давлатова). — Дар деҳаи Шайхони ҷамоати деҳоти Роҳатӣ бо ташаббуси лоиҳаи «Рушди деҳот» пули мошингузарро барқарор намуда, мавриди истифода қарор доданд. Зиёда аз 4 ҳазор аҳолии минтақа аз иншооти мазкур истифода мебаранд ва тавассути ин пул деҳаҳои Шайхон, Меҳтарии боло ва Куҳпораи ноҳияи Рӯдакӣ бо маркази ноҳия пайваст гардиданд. Тавре ки манбаъ зикр намуд, иқтидори борбардории пули мазкур 80 тоннаро ташкил менамояд. Ёдовар бояд шуд, ки лоиҳаи «Рушди деҳот» бо мақсади дастгирии соҳаи кишоварзӣ, афзун намудани истеҳсолоти кишоварзӣ, тақвияти инфрасохтори маҳал ва мусоидат ба пешбурди сиёсати аграрӣ бо дастгирии Ҳукумати кишвар ва Бонки Рушди Осиё амалӣ шуда истодааст. Дар ноҳия аз ҷониби лоиҳа 5 иншооти инфрасохтори, 4 маркази ахборию машваратӣ ва омӯзиши бозор, 5 кумитаи истифодабарандагони ҷарроҳӣ, 4 адад нуқтаи хизматрасонии байторӣ ва ғайраҳоро ташкил намудаанд. То охири соли равон аз ҷониби лоиҳа боз 20 адад иншооти муҳим дар дигар минтақаҳои ҷумҳурӣ низ ба истифода дода мешавад.Дар ин бора ба мухбири АМИТ «Ховар» аз маркази матбуоти татбиқи лоиҳа иттилоъ доданд.
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
Пагоҳ дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
