Ишитроки Э.Раҳмон дар ифтитоҳи варзишгоҳи Истаравшан
Душанбе, 27 октябр (АМИТ «Ховар»).- Бегоҳи рӯз Президенти кишвар Эмомалӣ Раҳмон варзишгоҳи навсозишудаи шаҳри Истаравшанро мавриди баҳрабардорӣ қарор дода, дар чорабинии бошукӯҳи фарҳангии бахшида ба ифтитоҳи нақби Шаҳристон, анҷоми пурраи навсозии шоҳроҳи Душанбе-Чанак ва ва дубора мавриди баҳрабардорӣ қарор гирифтани худи ҳамин варзишгоҳ иштирок намуд.Чунонки иттилоъ дода шуд, барои навсозии варзишгоҳи шаҳри Истаравшан аз ҳисоби маблағҳои буҷетӣ беш аз 13 миллион сомонӣ сарф гардида, он дорои 18 ҳазор ҷойи нишаст шудааст.Мардуми сипосгузори шаҳри Истаравшан, хусусан дӯстдорони варзишу тарбияи ҷисмонӣ ва тарзи ҳаёти солим, ки варзишгоҳро лабрез намудаанд, Сарвари давлат Эмомалӣ Раҳмонро бо шодию нишоти бепоён истиқбол гирифтанд.Зимни суханронӣ Президенти кишвар Эмомалӣ Раҳмон мардуми сарбаланди кишвар, аз ҷумла сокинони вилояти Суғд ва шаҳри Истаравшанро бо рӯйдодҳои руҳбахшу нерӯафзои имрӯза, пеш аз ҳама мавриди иситифодаи умум қарор гирифтани нақби мошингарди Шаҳристон шодбош гуфт.Бо арзи қаноатмандӣ аз ифтитоҳи ин варзишгоҳи бошукӯҳ изҳори боварӣ карда шуд, ки мардуми заҳматнописанди Истаравшани бостонӣ ҷавобан ба ин таваҷҷӯҳу ғамхориҳои Ҳукумати кишвар минбаъд низ ҷиҳати рушди ҳамаҷониба ва оммавигардонии варзиш, ҳамчунин тарғибу ташвиқи тарзи ҳаёти солим беш аз пеш саъю талош намуда, бахусус дар роҳи тарбияи дурусти ҷавонон ба натиҷаҳои назаррас ноил мегарданд.
Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






